Thursday, March 20, 2014

ஓய்வு!!!



எத்தனை பேரை சுமந்திருக்கும்

ஆசுவாசப்படுத்திக்கொண்டவர்
அமைதியாய் இருந்தவர்
யோசிக்க நினைத்தவர்
மூச்சுவாங்க ஓடிவந்தவர்
வலியால் துடித்தவர்
படிக்க அமர்ந்தவர்
படிக்காமல் தூங்கியவர்
பரண் ஏற மிதித்தவர்
உலரிய துணிகளை கொட்டியவர்
காயாத உள்ளாடைகளை போர்த்தியவர்
தூக்கிவந்த சுமையை சுமத்தியவர்
பாலீஷ் போட ஷூ காலை வைத்தவர்
கோபத்தில் உதைத்தவர்
அடைய வேண்டி சண்டைப்போட்டவர்
தரதரவென இழுத்துப்போனவர்
பிணமாய் கிடத்தப்பட்டவர்

என...

அத்தனைப்பேரையும் சுமந்துவிட்டு
பிறர்க்காக தன் காலையும்,
தன்னையும் உடைத்துக்கொண்டு
ஓய்வெடுத்துக்கொண்டிருக்கும்
தீண்டப்படாத இப்போது வேண்டப்படாத
நேற்றைய சுமைதாங்கி

பாவம்...

யாரும்கண்டுக்கொள்ளாமல்
ஒரு ஓரமாய்!!!

No comments:

Post a Comment