Sunday, October 21, 2012

இதுதாண்டா போலீஸ்.


இதுதாண்டா போலீஸ்.




நேற்று ஈவினிங் நண்பரின் வீட்டிற்க்கு சென்றிருந்தேன். பர்சனல் விஷயமாக.

அப்போது அவரின் பாஸ்போர்ட் விஷயத்திற்க்காக எழும்பூர் காவல் அதிகாரி வந்திருந்தார்.

வெரிஃபிகேஷன் டீட்டெய்ல்ஸ் முடிந்தவுடன் புறப்பட தயாரானார்.

திடீரென்று என் நண்பர் அவரின் கையில் 200 ரூபாயை திணித்தார்.

நானும் கொஞ்சம் அதிர்ந்து செய்வதரியாமல் நின்றேன்.

சிரித்துக்கொண்டே அந்த பணத்தை வாங்கிய அதிகாரி என் நண்பரின் குழந்தையை கூப்பிட்டார். குழந்தையின் கையில் நண்பர் கொடுத்த 200 ரூபாயை கொடுத்து நல்ல புஸ்தகம் வாங்கிக்கோம்மா என்று சொல்லிவிட்டு. சார்...இந்த வேலைக்குத்தான் எனக்கு அரசாங்கத்தில் சம்பளம் கொடுக்குறாங்க தயவு செய்து இந்த மாதிரி விஷயங்களை ஊக்குவிக்காதீர்கள் என நாசூக்காக சொல்லிவிட்டு சென்று விட்டார்.

வேறுயாராவது இருந்திருத்தால் என் நண்பரை உண்டு இல்லை என ஆக்கியிருப்பார்கள். இவரோட டீலிங் எனக்கு ரொம்ப பிடிச்சிருக்கு.

நண்பர் செய்வதறியாமல் சாரி சார்....என சொல்லிட்டு என்னைப்பார்த்தார்.

லஞ்சம் வேண்டாம் என்று சொன்னாலும் பொது மக்கள் விடுவதில்லை. தவறு செய்பவர்களை விட தவறு செய்ய தூண்டுபவர்கள்தான் குற்றவாளிகள்.

அதிகாரியின் முகம் என் கண் முன் நின்றது. அவருக்கு என் சல்யூட். இவர்கள் மாதிரி நல்லவர்கள் இருப்பதால் தான் சென்னையில் இன்னும்  மழை பெய்கிறது போலும்.

அந்த அதிகாரியின் பெயர் எனக்கு தெரியவில்லையென்றாலும் அவரின் நேர்மை என்னை நெகிழச்செய்து இந்த பதிவை அவருக்கு சமர்ப்பணம் செய்ய வழிவகுத்ததில் மகிழ்ச்சியே!

No comments:

Post a Comment