Wednesday, August 24, 2011

"நேயர்களே இன்றைய நிகழ்ச்சிகளை..."







எட்டு மணிக்கு பெட் காஃப்பி
குளிக்காமல் மார்னிங் டிஃபன்

ஒன்பது மணி முதல் பத்து மணி வரை
ஓலமன் மூப்பையாவின் - தமிழ் சினிமாவில்
"ஹிந்தி நடிகை பேசும் தமில் அலகா?" இல்லை
"தமிழ் நடிகை பேசும் தமிழ் அழகா?"
ஒரு மாபெரும் வெட்டி மன்றம்!

பத்து மணிமுதல் பதினோரு மணி வரை
கவர்ச்சி கன்னி "மகீலா" வுடன் ஒரு நாள்!

பதினோரு மணிக்கு
கதாநாயகிகளின் சுதந்திர தின நாள்
கோலாகல கொண்டாட்டங்கள்!

மதியம் பனிரெண்டு மணிக்கு
"என் பப்பியும் நானும்"
குண்டு நாயகி "கும்தாஜ்" தன் செல்ல நாயுடன்
வவ் வவ் கலகல கலக்கல் பேட்டி!

ஒரு மணிக்கு...
தனது சினிமா அனுபவங்களை
சிலாகித்து கூறுகிரார் சில்வர் ஸ்கிரீன்
சிரிப்பழகி சொத்தைப்ப்பல் "வினேகா"!

இரண்டு மணிக்கு...
இந்த ஆண்டின் இனிய பத்து வெத்துப்பாடல்கள்
மற்றும்
முதல் பத்து கண்ணியமற்ற காமெடி காட்சிகள்!

மாலை நான்கு மணிக்கு
சின்னத்திரை வரலாற்றில் முதன் முறையாக
திரைக்கு வந்து "ரிலீஸ் ஆகாத" புத்தம் புதிய
காதல் படம் "கல்யாணக் காதல்"!

இரவு ஏழு மணிக்கு
குத்தாட்ட நாயகிகளின் கும்மியாட்டம்
"நீயாட நானாட" குலுக்கல் நடனங்கள்!

எட்டு மணிக்கு..
"வெருமதி செல்வம்" சின்னத்திரை குடும்பமும்
"வெல்லமே" சின்னத்திரை குடும்பமும்
இணைந்து குழப்பும் சின்னத்திரை கொலையாட்டு!

ஒன்பது மணிக்கு.....

நேயர்களே...
இன்றைய சுதந்திர தின நிகழ்ச்சிகளை காணுங்கள் - நம்
இந்திய சுதந்திரத்தை பேணுங்கள்!

எல்லா...
விஷேஷ நாட்களிலும் எப்போதும்போல்
நம்ம வீட்டு டிவி பெட்டிகளில்
விதவிதமாய் இரைச்சலுடன்
டிஆர்பியில் முந்தும் புதுமை நிகழ்ச்சிகள்!

கடைசிவரை எந்த டிவியும் காட்டவில்லை
"சுதந்திரத்தைப் பற்றியோ,தியாகிகளைப் பற்றியோ".

சினிமா கவர்ச்சியில் சிதறிப்போனது
நம் சிந்தனை மட்டுமல்ல...
நம் நாட்டுப்பற்றும் தான்!


No comments:

Post a Comment