Wednesday, July 20, 2011

என்ன செய்கிறீர்கள்!

நல்லா டான்ஸ் ஆடுவோம்
நல்லா பாட்டு பாடுவோம்,
தினம் ஒரு கதை சொல்லுவோம்,
புதிய கார்டூன் படங்கள் பார்ப்போம்,
சினிமா படங்களும் பார்ப்போம்,
செடிகளுக்கு தண்ணீ ர் விடுவோம்,
வாரம் ஒரு  பிக்னிக் போவோம்,
வீட்டு கதைகள் அலசப்படும்,
மாட்டு சந்தைப்போல் அசைபோடப்படும்,
கணக்கு வாத்தியின் கடு கடுப்பு இனி இங்கில்லை,
தமிழ் வாத்தியின் உமிழ் நீர் தூறல் படுவதில்லை,
வரலாறு வாத்தி ஆங்கில வாத்திச்சியுடன் கசமுச,
தலைமை ஆசிரியரின் இன்றைய நிலைமை சரியில்லை,
வீட்டுப்பாடங்கள் இல்லாத புதிய உலகம்,
வார டெஸ்ட்டுகள் இல்லாத அதிசிய உலகம்!

புத்தக மூட்டை இல்லாத எங்கள் பைகள்,
காலையில் தூக்கம்,
மணியடிச்சா சோறு,
மத்தியானமும் தூக்கம்,
மாலை விளையாட்டு,
மறந்தும் கூட பாடமில்லை!

ஐய்யோ....
சும்மா இரு... சும்மா இருடா...
என்று கத்தும் ஆசிரியர்களுக்கு
இப்போதாவது  புரிந்திருக்கும்...
சும்மா இருப்பது எவ்வளவு கஷ்டம் என்று!

சமச்சீர் கல்வியா?அமெச்சூர் கல்வியா?
அப்பா,அம்மாக்கள் கூட கலைஞர் டிவி நியூசில்,
வருமா?வராதா?

ஆக மொத்தம்...
அரசியல் வாதிகளின் அபரிமிதமான அன்பில்
சமச்சீர் கல்வி அந்தரத்தில் தத்தளிக்கிறது!

No comments:

Post a Comment